Kuvendi ka futur në rendin e ditës së seancës së sotme plenare diskutimin dhe më pas ratifikimin e me procedurë të përshpejtuar protokollet e anëtarësimit të Finlandës dhe Suedisë në NATO.
Kërkesa u bë në Kuvend nga Partia Socialiste, me firmën e 30 deputetëve. Kërkesa e socialistëve u miratua edhe me dakordësinë e demokratëve.
Në fjalën e tij në Kuvend, Enkelejd Alibeaj u shpreh se Grupi Parlamentar i PD është pro anëtarësimit të Finlandës dhe Suedisë në NATO.
Gjithashtu ai kërkoi që të mos zvarritët më futja rezolutës për gjenocidin serb në Kosovë.
“Garancitë e lirive të drejtave , padyshim si gjithmonë grupi parlamentar i PD është pro që të futen në rendin e sitë dhe po them që tani votën tonë pro për këto dy protokolle. Dua të them që në datën 27 ja është paraqitur një projekt-rezolutë lidhur me dënimin gjenocidit serb në Kosovë, u bë e disata herë që e kërkoj dhe ashtu si vullnetin pro për aderimin e dy vendeve në NATO në frymën e ruajtjes së vlerave kryesore të individit Është detyrim i çdokujt që të mos e shtyni më atë rezolutë që kemi kërkuar ne.”, tha ai.
RENDI I DITËS
Në mbështetje të Urdhrit nr. 61, datë 05.07.2022 të Kryetares së Kuvendit, znj. Lindita Nikolla, rendi i ditës është si më poshtë vijon:
- Miratimi i procesverbalit të seancës plenare të datës 30.06.2022. (Neni 44, pika 2 e Rregullores)
- Njoftime. (Neni 44, pika 3 e Rregullores)
- Projektrezolutë “Për përkujtimin dhe nderimin e viktimave të gjenocidit në Srebrenicë”. (Neni 78, Kushtetutë, nenet 98-99 të Rregullores së Kuvendit) Zhvillimi i debatit Koha në dispozicion 90 minuta e ndarë në mënyrë përpjestimore ndërmjet grupeve sipas përfaqësimit të tyre në Kuvend. Grupi parlamentar i Partisë Socialiste – 46 min Grupi parlamentar i Partisë Demokratike – 25 min Grupi parlamentar “Demokraci dhe Integrim” – 7 min Grupi parlamentar “Alenaca për Ndryshim” – 7 min Deputetë jashtë grupeve parlamentare – 5 min
- Interpelancë me Ministrin e Infrastrukturës dhe Energjisë znj. Belinda Balluku kërkuar nga deputeti Xhelal Mziu. (Neni 80, Kushtetutë, neni 96, Rregullore Kuvendi)
- Interpelancë me Ministrin e Bujqësisë dhe Zhvillimit Rural znj. Frida Krifca kërkuar nga deputeti Erion Braçe. (Neni 80, Kushtetutë, neni 96, Rregullore Kuvendi)
- Interpelancë me Ministrin e Bujqësisë dhe Zhvillimit Rural znj. Frida Krifca kërkuar nga deputeti Erion Braçe. (Neni 80, Kushtetutë, neni 96, Rregullore Kuvendi)
- Raporti i veprimtarisë vjetore të Kontrollit të Lartë të Shtetit për vitin 2021. (Neni 164, pika 2 Kushtetutë, neni 31 i ligjit nr. 154/2014 “Për organizimin dhe funksionimin e Kontrollit të Lartë të Shtetit, neni 103 i Rregullores, shumicë e thjeshtë votash për miratimin e projektrezolutës) Paraqitja e raportit nga kryetari i KLSH – jo më shumë se 20 minuta Shprehet për projektrezolutën komisioni përgjegjës për Ekonominë dhe Financat Pyetje Zhvillimi i debatit (Nëse kërkohet me shkrim nga një komision i përhershëm, një kryetar grupi parlamentar ose të paktën 10 deputetë) Koha e votimit të projektrezolutës
- Raporti i veprimtarisë së Komisionit të Prokurimit Publik për vitin 2021. (Neni 32 i ligjit nr. 162/2020 “Për prokurimin publik”, neni 103 i Rregullores, shumicë e thjeshtë votash për miratimin e projektrezolutës) Paraqitja e raportit nga kryetari i Komisionit të Prokurimit Publik – jo më shumë se 20 minuta Shprehet për projektrezolutën komisioni përgjegjës për Çështjet Ligjore, Administratën Publike dhe të Drejtat e Njeriut Pyetje Zhvillimi i debatit (Nëse kërkohet me shkrim nga një komision i përhershëm, një kryetar grupi parlamentar ose të paktën 10 deputetë) Koha e votimit të projektrezolutës
- Projektligj “Për shërbimin spitalor në Republikën e Shqipërisë”. (Neni 78 i Kushtetutës dhe nenet 55 dhe 73-77 të Rregullores, shumicë e thjeshtë votash për miratim) Pyetje Shprehet nismëtari Shprehet komisioni përgjegjës për Punën, Çështjet Sociale dhe Shëndetësinë Dhënie mendimi komisioni për Çështjet Ligjore, Administratën Publike dhe të Drejtat e Njeriut Dhënie mendimi komisioni për Ekonominë dhe Financat Diskutime (Shprehen grupet parlamentare) Koha e votimit
- Projektvendim “Për një ndryshim në vendimin nr. 69/2021 “Për përbërjen e Komisioneve të Përhershme të Kuvendit””. (Neni 78, pika 1, të Kushtetutës, dhe të neneve 21, pika 2, dhe 55 të Rregullores së Kuvendit)
- Projektvendim “Për një ndryshim në vendimin nr.13/2022 “Për ngritjen e Komisionit të posaçëm për Reformën Administrativo- Territoriale në Republikën e Shqipërisë”. (Neni 77, pika 1, Neni 78, pika 1, të Kushtetutës dhe të neneve 24 e 55, pika 1, të Rregullores së Kuvendit) 12. Diskutime për çështje jashtë rendit të ditës (60’)
(BalkanWeb)