Gjibraltari që ka vetëm 34 mijë banorë është shembull për të tjerët në menaxhimin e krizës së pandemisë, ku falë vaksinimit epidemia në masë të madhe është tejkaluar, dhe është bërë vendi i parë në Evropë që e ka vënë nën kontroll.

Restorantet punojnë deri natën vonë, por raste të reja pozitive me COVID-19, në këtë vend nuk po regjistrohen, transmeton Telegrafi.

Që kur masat nuk janë të obligueshme të barten në ambiente të hapura, Samantha Sacramento shpesh ndihet sikur ka harruar diçka derisa ecë rrugëve.

“Mendoj se është diçka psikologjike dhe na duhet kohë ta tejkalojmë këtë”, thotë ministria e Shëndetësisë.

Gjithashtu është shfuqizuar vendimi që ndalonte daljen, baret e restorantet punojnë deri në orët e para të mëngjesit sikur edhe para pandemisë.

E televizionet spanjolle kanë vizituar Gjibraltarin dhe po bisedojnë me qytetarë të atjeshëm që po ndihen më të liruar. “Ndoshta së shpejti do të jetojmë sikur para pandemisë”, ka thënë një kamariere.

Krejt e kundërta ndodh me pjesën tjetër të Evropës, ku akoma po ashpërsohen masat mbrojtëse për shkak të numrit shumë të madh të rasteve të reja me COVID-199.

Në anën tjetër, Gjibraltari me 34 mijë banorë në pikun e pandemisë ka pasur 172 raste brenda 24 orëve. Në këtë vend kanë humbur jetën si pasojë e infeksionit të coronavirusit vetëm 94 persona.

Gjibraltari është vaksinuar me vaksinën e prodhuar në Britani të Madhe, e procesi i vaksinimit nuk ka qenë ndonjë sfidë e madhe – kjo për faktin se i tërë shteti shtrihet në një hapësire prej 6.5 kilometra katrorë.