Këngëtarja e famshme, Lady Gaga është përfolur shumë për shëndetin mendor.

Ajo frymëzoi fansat me rrugëtimin e saj që nga fëmija, kur ngacmohej nga fëmijë të tjerë deri kur u shndërrua në yllin me famë botërore dhe në fituesen e çmimeve të shumta.

Në fillimin e betejës së saj me ankthin dhe depresionin, ajo ishte thjesht një fëmijë i zakonshëm që kishte nevojë për nënën e saj.

“Si prind nuk isha e gatshme ta përballoja këtë. Ajo kaloi kohë të vështira, e poshtëruar, përhumbur, e izoluar. Nga një vajzë e re e lumtur dhe frymëzuese u shndërrua në dikë që filloi të vinte në dyshim vlerësimin për veten”, deklaroi nëna e Gaga-s, Cynthia Germanotta, për programin televiziv amerikan “CBS This Morning”.

Në vitin 2012, Gaga së bashku me të ëmën bashkë themeluan fondacionin “Born This Way” që i jep mundësinë të rinjve të praktikojnë shëndetin mendor dhe emocional.

Germanotta u siguron të tjerëve mjete dhe këshilla për të ndihmuar të dashurit e tyre që vuajnë si vajza e saj dikur.

Të gjithë të ftuarit në program vendosën fjongo në ngjyrë jeshile, në shenjë solidariteti për të dërguar mesazhin se ”është normale të mos jesh mirë”.