I dërguari i Posaçëm i Bashkimit Europian për dialogun mes Prishtinës dhe Beogradit, ka reaguar në lidhje me faktin që nuk u mor një vendim për vendet e Ballkanit Perëndimor.
Me anë të një postimi në Twitter, ai tha se vendimi i djeshëm për vendet e Europës lindore, referuar Ukrainës dhe Moldavisë, dhe fakti që një vendim i ngjashëm nuk u mor për Shqipërinë dhe Maqedoninë e Veriut, gjeneron zhgënjim të thellë në rajon.
“Ne morëm një vendim gjeopolitik për Evropën Lindore, por nuk mund të kemi të njëjtin këndvështrim strategjik për Ballkanin Perëndimor. Kjo gjeneron zhgënjim të thellë në rajon. Jam krenar për udhëheqjen europiane në Lindje, por ne duhet ta rifitojmë atë për fqinjët tanë juglindorë”, ka shtuar Lajçak.
We took a geopolitical decision on Eastern Europe, but we fail to have the same strategic view on the Western Balkans. This generates deep disappointment in the region. I’m proud on our 🇪🇺 leadership in the East, but we must regain it for our South-Eastern neighbors – @ #EFW22 pic.twitter.com/kD8QXF7jIK
— Miroslav Lajčák (@MiroslavLajcak) June 24, 2022
Ditën e djeshme, BE mbajti një Samit me vendet e Ballkanit Perëndimor. Në të nuk u mor asnjë vendim pozitiv as për çeljen e negociatave për Tiranën dhe Shkupin dhe as për liberalizimin e vizave për Kosovën.
(BalkanWeb)