ELBASAN – Një trup i pajetë është gjetur ditën e sotme në qytetin e Elbasanit.
Kufoma raportohet të jetë e seksit mashkull, i moshës 56 vjeç. Trupi i pajetë është gjendur në lumin Shkumbin.
Nga raportimet e para mendohet që viktima të jetë mbytur. Viktima dyshohet të jetë shtetasi Ali Tota, i cili ushtronte zanatin e ustait, punonte privatisht në zona të ndryshme të Librazhdit.
Po që të shtunën rreth orës 16.00, ai ka humbur kontaktet me familjarët.
Sipas denoncimit të tyre, Ali Tota ka qenë duke u kthyer nga puna dhe në rrethana të paqarta rezulton i zhdukur pa asnjë gjurmë.
Policia po punon për zbardhjen e plotë të ngjarjes. Paraprakisht familjarët e 56-vjeçarit dyshonin për mbytje aksidentale të tij në rrjedhën e rrëmbyeshme të përroit të fshatit Spathar ku ai kalonte për të shkuar në shtëpinë e tij.
(e.f/BalkanWeb)