Jep dorëheqjen nga kandidimi ish-prefekti i Tiranës Sadi Vorpsi. Ka qenë vetë ai që ka njoftuar përmes një postimi në “Facebook” se pas 4 vitesh kontribut si Prefekt i Qarkut Tiranë dhe 4 vitesh si deputet i Partisë Socialiste, ka vendosur t’ia kalojë stafetën prurjeve të reja për t’u fokusuar më shumë tek familja e tij dhe në angazhime të tjera private.

Vorpsi deklaron se nuk do të kandidojë sërish për deputet, por se do të jetë po aktiv në fushatën e 25 Prillit për mandatin e domosdoshëm të PS dhe Edi Ramës.
Ai ka qenë nga për 4 vite 2013-2017 prefekt i Tiranës dhe nga 2017 e në vijim deputet i PS.

“Të nderuar miq, mbështetës e dashamirës!
Pas 4 vitesh kontribut si Prefekt i Qarkut Tiranë dhe 4 vitesh si deputet i Partisë Socialiste, kam vendosur t’ia kaloj stafetën prurjeve të reja për t’u fokusuar më shumë tek familja ime dhe në angazhime të tjera private. T’i sherbeja vendit dhe qytetit tim ka qenë nder dhe privilegj i jetës sime.
Partia Socialiste është jo vetëm shtëpia më e madhe politike, por dhe më përparimtarja e gjithëpërfshirësja. Edi Rama e transformoi nga një parti në opozitë të vështirë, në forcën vendimtare për qeverisjen dhe modernizimin e vendit.
Kam shijuar çdo moment përfaqesimin e komuniteve nga zemra e Tiranës, e më pas në Vorë e në Farkë dhe jam krenar për gjithçka kemi arritur së bashku. Edhe pse nuk do të kandidoj sërish, do të jem po aq aktiv në fushatën e 25 Prillit për mandatin e domosdoshëm të PS dhe Edi Ramës për t’i çuar gjer në fund punët e nisura e për ta bërë Shqipërinë zonjë.
Ju falenderoj nga thellësia e zemrës për të gjithë mbështetjen dhe mezi pres të bashkojmë forcat për fitoren e 25 Prillit.
Juaji gjithmonë, Sadi”, shkruan ai.

Sadi Vorpsi Fb
Sadi Vorpsi Fb

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb