Partia Socialiste e Shqipërisë kërkon zyrtarisht të regjistrohet në zgjedhjet vendore të 14 majit.

Burime nga Komisioni Qendror i Zgjedhjeve konfirmojnë për gazetarin Ergys Gjençaj se në këtë institucion ka mbërritur kërkesa zyrtare e firmosur nga Sekretari për Çështjet Ligjore dhe Zgjedhore në PS Eridian Salianji, ku kërkohet regjistrimi i këtij subjekti.

Në ditët në vijim pritet dhe mbledhja e Komisionit Qendror të Zgjedhjeve për miratimin formal të kësaj kërkese.

  • foto galeri

Kujtojmë se dy ditë më parë Partia e Lirisë u regjistrua në KQZ.

Ndërkohë, më datën 6 mars mbyllet edhe afati për partitë politike për t’u regjistruar në KQZ për këto zgjedhje, ndërsa pritet që këto dy ditë Berisha do të marrë vendimin mbi mënyrën se si do të garojnë kandidatët e tij, pasi dje gjykata vendosi t’ia lërë vulën Aliebeajt.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: