DURRËS
Një i ri ka mbetur i plagosur mbrëmjen e sotme në Durrës. Një konflikt ka ndodhur pranë Stacionit të Trenit, i cili më pas ka degjeneruar në përdorimin e armëve të zjarrit.
Policia tha se një 25-vjeçar u plagos në dorë dhe është jashtë rrezikut për jetën, teksa i është vënë pas autorit, tashmë të identifikuar.
Policia ka kryer veprimet hetimore në vendin e ngjarjes, teksa janë ngritur disa postblloqe në rrugët hyrëse dhe dalëse të qytetit.