GJIROKASTËR- Një zjarr i madh ka rënë në një objekt pasditen e sotme në Gjirokastër. Gazetarja Brikena Metaj raportoi për “BalkanWeb” se zjarri ka përfshirë një ofiçinë, poshtë një banese dykatëshe në lagjen “Dunavat i dytë” në pronësi të Dajlan Gjoksit.
Sipas dëshmitarëve zjarri ka qenë i përmasave të mëdha dhe ka rrezikuar edhe banesën. Policia dhe zjarrfikësit kanë shkuar në vendin e ngjarjes ku po punojnë për shuarjen e flakëve.
Zjarri dyshohet se u shkaktua nga korrenti. Dikush kish hapur kanal për të kaluar telat por situata është ende e paqartë. Nga zjarri janë shkaktuar dëme të konsiderueshme materiale, në mjetet e punës së ofiçinës.
(m.k/BalkanWeb)