VLORE

Një vrasje me armë zjarri ka ndodhur mesditën e sotme në qytetin e Vlorës.

Ngjarja ka ndodhur në fshatin Kot të Selenicës.

Burimet për BalkanWeb bëjnë me dije se viktima është 64-vjeçari Fatmir Hodo.

Mësohet se Hodo është kreu i njësisë administrative në këtë fshat.

Policia ka shkuar menjëherë në vendngjarje për zbardhjen e plotë të ngjarjes. Nga raportimet e para dyshohet për një konflikt të mëparshëm mes autorit dhe viktimës.

Autori Admir Delaj, rreth 43 vjeç pasi ka qëlluar për vdekje me çifte 64-vjeçarin është larguar por është kapur nga policia.

Njoftimi i policise

Më datë 09.11.2018, rreth orës 14:55, në një lokal në fshatin Kotë, është qëlluar me armë gjahu shtetasi F.H, (Kryetar i Njësisë Administrative Kotë), i cili për pasojë ka ndërruar jetë .

Policia ka mbritur menjëherë në vendngjarje dhe ka identifikuar autorin e ngjarjes i cili dyshohet të jetë shtetasi A.D, rreth 43 vjeç nga fshati Gumenicë .

Forcat e policisë kanë kapur autorin.

(e.f/BalkanWeb)