TIRANE- Një automjet tip “Benz” me ngjyrë të zezë ka marrë flakë në ecje në kryeqytet, ndërsa shoferi që ka pikasur tymin në pjesën e përparme të mjetit ka mundur të dalë me shpejtësi prej tij.
Ngjarja ka ndodhur rreth orës 19:00 në afërsi të stadiumit “Qemal Stafa” , siç raporton për BalkanWeb gazetarja Dorjana Bezat. Mësohet gjithashtu se makina ishte me benzinë dhe gaz.
Në vendngjarje mbërritën menjëherë forcat zjarrfikëse dhe ato të policisë për të zbuluar shkakun, ndërsa paraprakisht dyshohet për një defekt.
(m.a/BalkanWeb)