KUKËS
Policia e Kukësit po zhvillon një operacion në bar-kafe dhe restorante të paregjistruara në organet tatimore dhe me punonjës të paregjistruar.
Lajmi bëhet i ditur për “BalkanWeb” nga gazetarja Dorjana Bezat, e cila thekson se gjatë aksionit janë proceduar penalisht 10 biznesmenë, të cilët kanë rezultuar duke punuar në paligjshmëri.
Personat e proceduar po hetohen për fshehje të të ardhurave dhe punësim të paligjshëm. Siç raporton gazetarja Bezat për “BalkanWeb”, ata rrezikojnë deri në tetë vite burg.
(BalkanWeb)