SHKODËR
Prefekti i komanduar në Shkodër, Besfort Lamallari ka marrë vendimin për të mbyllur deri më 23 qershor tregun e Zdrales për produktet bujqësore.
Për zëvendësimin e këtij tregu Lamallari kërkon si prioritet gjetja dhe funksionimi i një tregu alternativ.
Po ashtu Lamallari ka apeluar që tregu i fruta perimeve në Dobraç të marrë masat për rritje të parametrave higjieno- sanitare.
VENDIMI I BESFORT LAMALLARIT
Vendim nr.04 datë 24.04.2020 i Komisionit të Mbrojtjes Civile, Qarku Shkodër.
– Në kuadër të zgjatjes së gjendjes së fatkeqësisë natyrore me VKM Nr.312, datë 18.4.2020 për propozimin Kuvendit të Republikës së Shqipërisë për dhënien e pëlqimit për zgjatjen e gjendjes së fatkeqësisë natyrore, të shpallur me vendimin nr.243, datë 24.3.2020, të Këshillit të Ministrave “Për Shpalljen e Gjendjes se Fatkeqësisë Natyrore”, veprimtaria tregtare në Tregun Zdrale do të vazhdojë të jetë e pezulluar deri në datën 23.6.2020, për tregtarët e produkteve bujqësore.
– Prioritet gjetja dhe vënia në funksionim i një tregu alternativ, sipas standardeve të nevojshme.
– Tregu i shitjes me shumicë Fruta Perime, Dobraç të marrë masa për rritjen e parametrave higjeno-sanitare (dezinfektimi, sinjalistika, distanca e nevojshme)
(BalkanWeb)