Lazio u rikthye në Champions League por kryeqytetasit dukshëm nuk janë në formën e tyre më të mirë, një rënie e lirë e cila ka vijuar edhe këtë sezon të Serie A ku në tre javë kanë grumbulluar katër pikë. Igli Tare po punon për të hedhur bazat e ekipit ku në fokusin primarë kanë qenë rinovimet e shumta. Në pritje të një oferte të re për rinovimin e kontratës mbetet edhe trajneri Simone Inzaghi. Pavarësisht se Tare ka shprehur gjithnjë admirimin e tij për Inzaghi mediat italiane kanë një tjetër version.
Sipas “Il Messaggero”, Inzaghi nuk mund të qëndroj shumë i qetë pasi Lotito është i fiksuar pas idesë për të pasur në stol Massimiliano Allegri. Presidenti lacial ka afruar këtë verë në stafin mjekësor dhe fizioterapist disa nga bashkëpunëtorët e Allegrit, një tjetër e dhënë që e afron ish trajnerin e Juves gjithnjë e më pranë me klubin kryeqytetas.
(BalkanWeb)
