SHBA

Një nënë në Texas është dënuar me 40 vjet burg pasi kishte lënë vajzat e saj, një dhe dy vjeç, të mbyllura në makinë për të gjithë natën, me temperatura rreth 40 gradë, teksa ishte duke festuar me miqtë.

Vajzat të cilat u dërguar menjëherë në spital nuk arritën të mbijetonin. Sipas policisë në 7 qershor 2017 Amanda Hawkins, atëherë 19 vjeç, i ka dërguar vajzat në spital në gjendje të rëndë, duke i thënë mjekëve që i kishin rënë të fikët pasi kishin nuhatur disa lule pranë një liqeni ku ato banonin.

Por agjentët e policisë zbuluan që nëna i kishte lënë vajzat në makinë qëllimisht gjatë natës për të festuar më miqtë.

Brynn, një vjeç dhe Addyson 2 mbetën të mbyllura në makinë për rreth 18 orë me një temperaturë që në ato ditë në Hill Country ishte rreth 40 gradë. Tani Amanda është dënuar nga një gjykatë në SHBA, me 40 vjet burg.

(da.xha/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb