LONDER

Është braktisur në mes të të ftohtit në një rrugë në Londër, i mbyllur në një kuti së bashku me një ariun prej pelushi.

Pasi është gjetur nga një burrë ky lepur tani është në një vend të sigurt dhe i gjithë web-i është mobilizuar për të. Ky lepurush gri, të cilin vullnetarët e RSPCA, shoqatës në mbrojtje të kafshëve të Anglisë dhe Galles i kanë vënë emrin Nigel, në rrjetet sociale shumë njerëz kanë kërkuar ta adoptojnë.

Personi që ka dhënë alarmin ishte një kalimtar, që ka dalluar kutinë dhe teksa e hapte ka gjetur lepurin. Burri ka lajmëruar vullnetarët e shoqatës, të cilët kanë marrë kafshën dhe së bashku me të edhe kukullën prej pelushi, të cilën lepurushi se lëshonte, si të ishte i vetmi mik që i kishte mbetur, pas braktisjes.

Kështu të dy, janë vendosur në një vend në Kent, ku lepuri është vizituar dhe tani është në kushte të mira shëndetësore. Kur RSPCA ka publikuar në rrjetet sociale rastin e Nigel, historia është ndarë nga qindra përdorues të web.

Shumë prej tyre kanë kërkuar ta adoptojnë kafshën e butë. Nëse brenda disa javësh pronarët e Nigel nuk do kthehen ta marrin, lepuri do të adoptohet.

(da.xha/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb