Turku Selami Simsek, i dënuar me 18 muaj burg për akuzën “Falsifikim i letërnjoftimeve, i pasaportave ose i vizave”, i njohur edhe si mbështetës i Fetullah Gylen i frikësohet ndonjë dëbimi të mundshëm në vendin e origjinës.

Përmes një letre të siguruar nga gazetarja Klodiana Lala për “BalkanWeb”, avokati i tij i kërkon Drejtorisë së Kufirit dhe Migracionit të mos e dëbojnë në Turqi, ku i rrezikohet jeta, derisa shteti shqiptar t’i kthejë përgjigje kërkesës së tij për azil.

Simsek u arrestua në aeroportin e Rinasit së bashku me mësuesin turk, Harun Çelik, pasi do të udhëtonin drejt Torontos, me vizë kanadaze të falsifikuar. Mësuesi “gylenist”, Harun Çelik, u dëbua me forcë nga autoritetet shqiptare.

(m.a/BalkanWeb)

• Jepet vendimi, dënohet me burg “gylenisti” turk, ja sa do qëndrojë në qeli
• Dëbimi forcërisht i mësuesit “gylenist”, miku i tij ndjek rrugën ligjore për të përfituar azil politik në Shqipëri (FAKTI)
• “Në Turqi më rrezikohet jeta”, gylenisti i arrestuar në Rinas kërkon azil politik, zbardhet letra drejtuar autoriteteve