KORIDHALOS
Policia greke ka kryer kontrolle në disa qeli në zonën “B” në burgun e Koridhalos, duke gjetur një sërë mjetesh të ndaluara, duke nisur nga levat e hekurit, zarat, por edhe letra të pokerit.
Mediat greke njoftojnë se në burgun ku vuajnë dënimin qindra shqiptarë, u sekuestruan 110 litra raki të prodhuar në kushte artizanale, disa shufra hekuri, kuti çipsash për lojë pokeri, një shpatë si edhe materiale të tjerë të ndaluara, përfshi edhe disa televizorë.
Kontrolli u krye pas sinjalizimeve se të burgosurit po bëheshin gati të festonin natën e Ndërrimit të Viteve me alkool dhe lojë pokeri.
Burgi i Koridhalos është vendi ku vuajnë dënimin një numër i madh të burgosurish për krime të rënda në Greqi.
(d.xh/ Balkanweb)