LEZHE- Jo vetëm Shkodra, por edhe polica e Lezhës preket nga ndryshimet e reja që kur drejtimin e policisë së Shtetit e mori Ardi Veliu.

Pak minuta më parë është zyrtarizuar edhe emri i drejtuesit të ri të policisë së Lezhit. BalkanWeb mëson se në vend të Bledar Çelikut është emëruar drejtor Ferdinand Mara

Më herët Mara ka shërbyer në Policinë e Shtetit si shef sektori.

Drejtori i ri pritet të prezantohet nga vetë ministri i Brendshëm, Fatmir Xhafaj, i cili ishte sot i pranishëm edhe në prezantimin e kreut të ri të policisë së Shkodrës, Vehbi Bushati.

Ja të gjitha emërimet që kanë ndodhur pasi Ardi Veliu mori drejtimin e Policisë së Shtetit
• Drejtues i Lartë Rebani Jaupi, deri tani Zv.drejtor i Përgjithshëm i Policisë së Shtetit, emërohet Drejtor, në Drejtorinë e Menaxhimit të Informacionit dhe Mbrojtjes së të Dhënave, në Drejtorinë e Përgjithshme të Policisë së Shtetit, si dhe i jepet grada Drejtues i Parë.
• Drejtues i Lartë Aida Veizaj (Hajnaj), deri tani Drejtor i Departamentit për Kufirin dhe Migracionin, emërohet Zëvendësdrejtor i Përgjithshëm i Policisë së Shtetit, në Drejtorinë e Përgjithshme të Policisë së Shtetit.
• Drejtues i Parë Gjovalin Loka, deri tani Drejtor i Drejtorisë Vendore të Policisë Shkodër, emërohet Drejtor i Departamentit, në Departamentin për Sigurinë Publike, në Drejtorinë e Përgjithshme të Policisë së Shtetit, dhe i jepet grada Drejtues i Lartë
• Drejtues i Parë Theodhori Gravani, deri tani Drejtor i Drejtorisë për Logjistikën, emërohet Drejtor i Departamentit, në Departamentin për Shërbimet Mbështetëse, në Drejtorinë e Përgjithshme të Policisë së Shtetit, dhe i jepet grada Drejtues i Lartë.
• Drejtues i Parë Shaban Nexhi, deri tani Drejtor, në Drejtorinë e Menaxhimit të Informacionit dhe Mbrojtjes së të Dhënave, në Drejtorinë e Përgjithshme të Policisë së Shtetit, emërohet Drejtor i Drejtorisë se Migracionit në Departamentin për Kufirin dhe Migracionin.
• Drejtues Enkeleda Toska, deri tani Drejtor i Drejtorisë se Migracionit në Departamentin për Kufirin dhe Migracionin, emërohet Drejtor i Drejtorisë se Kufirit dhe Migracionit Tiranë
• Drejtues Andi Likaj, deri tani Shef Sektori i Europolit, emërohet Shef Sektori, në Sektorin (Zyra) Qendrore Kombëtare, INTERPOL.
• K/Komisar Shkelzen Rexhepi, deri tani specialist në Sektorin e Interpolit, emërohet Shef Sektori, në Sektorin (Zyra) Kombëtare Europol.
(m.a/BalkanWeb)