Kryeministri i Kosovës Albin Kurti ka reaguar pasi Këshilli i BE-së ditën e sotme i dha dritën jeshile liberalizimit të vizave për Kosovën.

Kurti shkroi në rrjetet sociale se tanimë po pret hapat përfundimtarë të Parlamentit Evropian. “Një hap më afër. Pritjes së gjatë po i vjen fundi”, shkroi ndër të tjera Kurti në Twitter.

Rregullat e reja do t’i lejojnë poseduesit e pasaportave të Kosovës të udhëtojnë në BE pa vizë për një periudhë qëndrimi prej 90 ditësh, në çdo periudhë 180 ditore.

Ky përjashtim nga kërkesa për vizë do të zbatohet që nga data kur Sistemi Evropian i Informacionit dhe Autorizimit të Udhëtimit (ETIAS) hyn në fuqi ose nga 1 janari 2024, ose cilado datë më përpara.

Rregullat e reja tani duhet të miratohen nga Parlamenti Evropian përpara se të nënshkruhen dhe publikohen në gazetën zyrtare të BE-së.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: