Turqia ka shkelur ligjet ndërkombëtare duke dërguar trupa në Irak, deklaroi sot kreu i Ligës Arabe në një mbledhje të kërkuar nga Bagdadi.
“Ndërhyrja Turke në Irak përbën një shkelje të hapur të ligjeve ndërkombëtare dhe shkel sovranitetin e Irakut”, theksoi Nabil al Araby gjatë mbledhjes së ministrave të Punëve të Jashtme të Ligës Arabe në Kairo.
“Turqia duhet të tërheqë trupat e saj menjëherë nga Iraku”, tha ai.
Ministri irakian i Punëve të Jashtme, Ibrahim al Jaafari, kërkoi gjithashtu një tërheqje të plotë të trupave turke nga vendi i tij.
(d.d/BalkanWeb)