Franca, kampione e botës në fuqi dhe Gjermania u përplasën kundër njëra-tjetrës në ndeshjen e vlefshme për grupin A të Ligës së Kombeve. Një Gjermani tjetër është parë sonte në stadiumin Allianz Arena në Munich.

Pjesa e parë ishte tërësisht në favorin e Gjermanisë, të cilët kanë sulmuar vazhdimisht portën e Areolas, i cili sonte ka bërë superpritje duke ua mohuar golin gjermanëve.

Edhe në pjesën e dytë ishin Gjermania që sulmuan më shumë por prapë ishte Areola ai i cili ia mohoi golin Hummels dhe Muller.
Megjithatë, Gjermania tregoi në këtë ndeshje se nuk është më ajo Gjermania e Botërorit, por është një Gjermani që dalëngadalë po kthehet aty ku e ka vendin.

Takimet e tjera të Ligës së Kombeve kanë përfunduar me  këto rezultate:

Gjermani-Francë 0-0

Çeki-Ukrainë 1-1

Uells-Irlandë 4-1

Norvegji-Qipro 2-0

Slloveni-Bullgari 1-2

Gjibraltar-Maqedoni 0-2

Letoni-Andorrë 0-0

Kazakistan-Gjeorgji 0-2

Armeni-Lihtenshtein 2-1

(BalkanWeb)