TIRANË

Kreu i Policisë së Shtetit, Gledis Nano, ka njoftuar këtë mesditë ndryshimet në polici, që prekin të gjitha drejtoritë në qarqe, përveç Beratit.

Kështu, sipas kryepolicit, Ardian Çipa merr një tjetër post të rëndësishëm në polici, duke u caktuar përkatësisht në postin e drejtorit të Policisë së Elbasanit, ndërsa Policia e Tiranës do të drejtohet nga Lorenc Paganika, duke zëvendësuar në këtë post Rebani Jaupin.

Ky i fundit do të drejtojë një tjetër sektor në Policinë e Shtetit, atë të Departamentit për Siguri publike. Ndërkohë, i vetmi drejtor në rrethe që nuk ndryshoi ishte ai i Beratit, Edmont Targaj, i cili do vijojë të drejtojë komisariatin e këtij qarku.

Lorenc Panganika në Tiranë
Hamdi Fiora në Shkodër
Gentian Berberi në Vlorë
Ardian Çipa në Elbasan
Alfred Çepe në Fier
Gjovalin Loka në Korçë
Neritan Nallbati në Durrës
Edmond Sulaj në Kukës
Bledar Çeliku në Gjirokastër
Oltion Bistri në Lezhë
Skënder Hitaj në Dibër

Rebani Jaupi drejtor i departamentit për Siguri publike

Alban Dautaj drejtor i Antiterrorit
Saimir boshnjaku drejtor kufiri në Tiranë
Fatmir Hoxha drejtor kufiri në Korçë
Sokol Cana drejtor kufiri në Gjirokastër
Arbër Joca drejtor kufiri në Shkodër

Deklarata e plotë e kryepolicit Gledis Nano:

Në funksion të prioriteteve të reja që ka përcaktuar Qeveria Shqiptare për institucionin e Policisë së Shtetit, si dhe me qëllim për t’i dhënë një impuls të ri personelit policor, pas një analize të deritanishme të punës të drejtuesve aktualë të Policisë, në cilësinë e Drejtorit të Përgjithshëm të Policisë së Shtetit, krahas masave të tjera, kam vendosur të bëjë disa ndryshime e lëvizje në nivelin drejtues, konkretisht:

1. Emërimin e Drejtues i Parë, Lorenc Panganika, në detyrën Drejtor i Drejtorisë Vendore të Policisë Tiranë.

2. Drejtues Hamdi Fiora, në detyrën Drejtor i Drejtorisë Vendore të Policisë Shkodër.

3. Kryekomisar Gentian Berberi, në detyrën Drejtor i Drejtorisë Vendore të Policisë Vlorë.

4. Drejtues i Parë Ardian Çipa, në detyrën Drejtor i Drejtorisë Vendore të Policisë Elbasan.

5. Drejtues i Parë Alfred Çepe, në detyrën Drejtor i Drejtorisë Vendore të Policisë Fier.

6. Drejtues i Parë Gjovalin Loka, në detyrën Drejtor i Drejtorisë Vendore të Policisë Korçë.

7. Drejtues i Parë Neritan Nallbati, në detyrën Drejtor i Drejtorisë Vendore të Policisë Durrës.

8. Drejtues i Lartë Rebani Jaupi, në detyrën Drejtor i Departamentit për Sigurinë Publike në DPPSh.

9. Drejtues Edmond Sulaj, në detyrën Drejtor i Drejtorisë Vendore të Policisë Kukës.

10. Drejtues i Parë Bledar Çeliku, në detyrën Drejtor i Drejtorisë Vendore të Policisë Gjirokastër.

11. Kryekomisar Oltion Bistri, në detyrën Drejtor i Drejtorisë Vendore të Policisë Lezhë.

12. Drejtues i Parë Skënder Hitaj, në detyrën Drejtor i Drejtorisë Vendore të Policisë Dibër.

13. Kryekomisar Alban Dautaj, në detyrën Drejtor i Drejtorisë së Antiterrorit.

14. Drejtues Saimir Boshnjaku, në detyrën Drejtor i Drejtorisë së Kufirit dhe Migracionit Tiranë.

15. Drejtues Fatmir Hoxha, në detyrën Drejtor i Drejtorisë së Kufirit dhe Migracionit Korçë.

16. Kryekomisar Sokol Cana, në detyrën Drejtor i Drejtorisë së Kufirit dhe Migracionit Gjirokastër.

17. Kryekomisar Arben Joca, në detyrën Drejtor i Drejtorisë së Kufirit dhe Migracionit Shkodër.

18. Kryekomisar Lorenc Shehu, në detyrën Drejtor i Qendrës së Mbyllur të të Huajve në Departamentin e Kufirit dhe Migracionit.

Duke filluar që nga dita e nesërme, si Drejtor i Përgjithshëm i Policisë së Shtetit, do të bëj prezantimin e drejtuesve të rinj të Policisë, në çdo drejtori, si dhe do t’iu përcaktoj prioritetet dhe objektivat atyre për rritjen e parametrave të rendit dhe sigurisë publike në luftën kundër krimit.
Lëvizjet e mësipërme i paraprijnë ndryshimeve të tjera që do të bëhen në drejtuesit e tjerë të Policisë, në nivel vendor.

Ndërkohë jemi në procesin e përmirësimit të akteve normative që rregullojnë veprimtarinë e Policisë së Shtetit, aplikimit të sistemit të ri të vlerësimit të performancës, si një instrument kyç për të përmirësuar besueshmërinë dhe transparencën gjatë ecurisë në karrierë të punonjësve të Policisë së Shtetit, si dhe të studimit për riorganizimin e përgjithshëm të strukturës së Policisë së Shtetit.

Ju faleminderit!

(BalkanWeb)