TIRANE- I njëjti skenar. Seanca e sotme e Kuvendit është ndërprerë tre herë, ndonëse në foltore kësaj here nuk ishte kryeopozitari Basha që ka prishur rregullat e kryeparlamentarit Ruçi. Opoozitarët kanë folur me radhë, aleatët po ashtu. Nga Edi Paloka, tek Albana Vokshi, Edmond Spaho e pastaj Petrit Vasili.
Vasili tha se kjo është salla e tyre pasi ky parlament e kishte humbur legjitimitetin, por ndërkohë që opozitarët flisnin e hidhnin akuzat, kryeparlamentari Ruçi vendosi të hapë votimin për pr.ligjet.
E ndërsa opozitarët mund t’i dëgjoje live nga Facebook, në Kuvend u miratuan pr/ligjet e rendit të ditës. Mazhoranca u largua pas këtij momenti, duke ia lënë sallën Kuvendit.
DEBATI LIVE
Vasili: Ai rri atje lartë të vijë këtu poshtë (Për Ramën)
I ndërpritet fjala Vasilit, opozita e Basha ngrihen para foltores. Nis lidhja live nga Facebook
Ruçi: Mos u bëj pjesë e skenarit. Uluni poshtë, e kam të qartë skemën tuaj për të marrë peng Parlamentin
Kuvendi vijoi me miratimin e pr/ligjeve në rendin e ditës, ndërsa pas votimit mazhoranca u largua.
(m.a/BalkanWeb)