Ministri i Brendshëm Sandër Lleshaj ka vizituar në spital, punonjësit e Policisë të plagosur gjatë protestës së sotme të organizuar nga opozita e bashkuar.
Me anë të një postimi në Facebook Llleshaj e ka cilësuar protestën ‘të dhunshme si dhe të maskuar nga nata dhe maskat e vërteta, si ato që përdor jo rrallë krimi.’
“Sapo vizitova policët e plagosur në Spitalin e Traumës. Pasojë e një protestë të dhunshme, të maskuar nga nata dhe maskat e vërteta, si ato që përdor jo rrallë krimi.
Mirënjohje për punonjësit e Policisë shqiptare. Solidaritet me fëmijët, bashkëshortet, nënat dhe familjarët e tyre.
Organizatorët dhe ekzekutorët e dhunës, kanë sulmuar jo vetëm institucionet kushtetuese dhe Policinë, por edhe qetësinë e qytetarëve, rendin publik dhe imazhin e vendit dhe për këto do të mbajnë përgjegjësi ligjore, publike dhe politike.
Dhuna nuk është opsion!”, shkruan ministri i Brendshëm Lleshaj.
(n.b/BalkanWeb)