Nga sandalet super sensuale me taka shumë të larta, tek çizmet e dekoruara apo balerinat e zbukuruara me gurë dhe kristale svarovski. Me Saten ngjyre ari dhe shumë reflekse ngjyrash, këpucët e festës së Krishtlindjes dhe Vitit të Ri të këtij viti mund të jenë sipas dëshirës.
Këpuca është aksesori që padyshim nuk mungon asnjëherë, por detajet dhe modeli i japin veshjes tuaj magjinë e këtyre festave.
’Kur hedh sytë brenda vitrinës së një dyqani këpucësh mendon që atje brenda nuk mund të të ndodhë asgjë e keqe’, thotë një proverb shumë i përhapur në internet.
I njëjti sensacion është kur zgjedh në pasarelë modelin tënd të preferuar të këpucëve.
Perfekte për këtë periudhë të vitit dhe për ti pasur në garderobën tuaj, ja disa ide këpucësh dhe sandalesh për tu ndjerë pak princesha në këto ditë…
