TIRANE

Kreu i Biznes Albania Luan Bregasi i ftuar në emisionin “Real Story” në “News 24” deklaroi se sektori i turizmit është më i godituri nga pandemia e Covid-19.

Bregasi theksoi se Banka e Shqipërisë duhet që të shtyjë edhe për një vit principalin për bizneset, me qëllim që këta të fundit të kenë mundësi të rimarrin veten më lehtë.

“Kemi kërkuar edhe hartimin e një paketë e tretë për disa sektorë të goditur nga pandemia e koronavirusit, jo vetëm për turizmin. Sektori i turizmit është goditui dhe ndoshta meriton një paketë të vecantë që nuk ka lidhje për t’i krijuar privilegj të vecantë, por realisht sektori i turizmit dhe ekonomia të goditur nga Covid-19, kërkojnë masa më të forta nga qeveria.

Unë mendoj që pavarësisht përpjekjeve të jashtëzakonshme që ka bërë Klosi, ka një meritë të jashtëzakonshme, duke ardhur te paketa e tretë, së pari do të thoja që kreditë e marra sidomos nga kompanitë e turizmit duhet të krijohet mundësia edhe për një afat tjetër shtyrje. Shtyrje të principalit, sapo më njoftuan se ka një vendim të BSH për të shtyrë edhe tre muaj të tjera kreditë. Unë kam propozuar një vit shtyrjen e principalit, dhe kjo ka një logjikë. Biznesi paguan interesa, sepse të ardhurat do të zvogëlohen, biznesi ka patur vështirësi për të kthyer principalin edhe në kushte normale, para pandemisë. Sepse të kemi parasysh që turizmi ka pësuar dy goditje. Pësoi goditjen e tërmetit të 26 nëntorit, dhe goditja e dytë e pandemisë.

Kështu BSH bashkë me qeverinë mund të shohin një politikë lehtësuese, jo për t’i falur kreditë por për t’i shtyrë pricipalet e tyre, që e bëjnë të pamundur në këtë lidhen të ardhure që do të ketë industria e turizmit këtë vit është e pamundur t’i shlyejë kreditë në principal. E falenderoj guvernatorin për vendimin, ne do e shikojmë vendimin për shtyrje edhe me tre muaj të tjerë, nëse do kemi zhvillime pozitive edhe mund të qëndrojmë në këto nivele.

Sa i përket protokollit, ai është bërë me standarde europiane, s’ka gjë që nuk është prekur me detaje. Shumicën e tyre e bëjmë edhe pa patur pandemi, ruhet një higjienë edhe në mungesë të pandemisë, protokolli është të mos krijojmë frikë se duket sikur po hapim spital për Covid të ri dhe jo hotel.” -u shpreh Bregasi.

(d.xh/ balkanweb)