Nënkryetari i Lëvizjes Socialiste për Integrim, Luan Rama, ka qenë i pranishëm në Vlorë, për të nderuar dëshmorët e atdheut.
Luan Rama thekson se ndodhet sot më 29 nëntor në Vlorën e flamurit, për të nderuar heronjtë, që çliruan atdheun.
Postimi i nënkryetarit të LSI-së Luan Rama:
Në Vlorën e flamurit, në festën e çlirimit të atdheut:
NDERIMI PËR DËSHMORËT,
AMANET I PËRJETSHËM.
Një emocion i veçantë festimi i 29 nëntorit të çlirimit të atdheut në Vlorën e flamurit.
Askund tjetër më mirë se në Vlorë nuk merr kuptim dhe vlerë dita e çlirimit, pasi 29 nëntori i fitores mbi fashizmin dhe bashkëpunëtoret e tradhëtarët vendas jetësoi e i dha vlerë edhe vetë pavarësisë së atdheut.
Përjetë nderim dhe mirënjohje dëshmorëve të atdheut dhe luftës partizane që e renditi Shqipërinë në koalicionin e madh antifashist botëror!
(d.xh/ Balkanweb)