Është kurorëzuar kursi i parë “Ethical Hacking” si pjesë e Akademisë së Sigurisë Kibernetike në universitetin “Luarasi” në bashkëpunim me “Elta System LTD” e cilësuar si një ndër kompanitë lider në Izrael në fushën e Sigurisë Kibernetike dhe të mbrojtjes. 20 kursantët e parë kanë marrë këtë certifikatë të njohur ndërkombtarisht nga Shtetet e Bashkuara të Amerikës deri në Japoni.

“Ethical Hacking” është një kurs unikal për vendin tone i cili përgatiti prej gjashtë muajsh një gjeneratë të tërë specialistësh në kohën kur të dhënat digjitalë të vendit janë sulmuar disa herë agresivisht nga hakerat iranianë. I sapocertifikuari Jetmir Rajta thotë se vendi ka nevojë urgjente për mbrojtës kibernetikë, e për këtë ai ndihet gati të jetë një ushtar në këtë luftë.

Zëvendës rektorja e universitetit “Luarasi” Prof. Asoc. Dr. Anni Dasho, duke dhënë detaje në lidhje me ecurinë e Akademinë e sigurisë kibernetike këtë vit të ri akademik, shprehet se do të ofrojë paketa të larmishme për disa target grupe si gjimnazistë, studentë si dhe mundësi për të përgatitur profesionistë në fushën e sigurisë kibernetike për sektorin bankar, qeveri në korporatat e telefoninë mobile ne vend dhe me gjere. Shqipëria për herë të fundit u skanua lidhur me mbrojtjen ndaj krimit kibernetik në një raport të mbështetur nga Qendra Globale për Kapacitetet e Sigurisë Kibernetike dhe Banka Botërore ku në një pjesë të mirë të sektorëve të marrë në analizë zhvillimi mbetej ende në fazat fillestare.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: