Rusia pretendon se të paktën 3 persona kanë mbetur të plagosur nga shpërthimi i një droni ukrainas në rajonin Tula.
“Shpërthimi në qytetin Kireyevsk në rajonin e Tulës u shkaktua nga një mjet ajror ukrainas Tu-141 Strizh. Droni ishte i mbushur me lëndë shpërthyese,” tha një zëdhënës i agjencive lokale të zbatimit të ligjit për TASS.
Sipas TASS, “dy të rinj kanë marrë plagë fragmentimi dhe një person tjetër është lënduar lehtë. Janë dëmtuar tre blloqe apartamentesh dhe katër objekte shtëpiake.”
Ukraina nuk ka komentuar mbi incidentin deri më tani.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
