Udhëheqësi i grupit mercenar Wagner, Yevgeny Prigozhin, i ka bërë thirrje drejtpërdrejt Ministrisë së Mbrojtjes Ruse që të mos braktisë pozicionet rreth qytetit lindor të Ukrainës, Bakhmut.
Një përçarje mes grupit mercenar Wagner dhe ushtrisë ruse duket se po thellohet.
Udhëheqësi i grupit paraushtarak, Yevgeny Prigozhin, ka akuzuar ushtrinë se është tërhequr dhe i ka lënë njerëzit e tij në mëshirën e ushtarëve ukrainas në betejën derë më derë që shpërtheu në dhe rreth qytetit Bakhmut në provincën Donetsk.
Në një mesazh të regjistruar ai tha se “Fatkeqësisht, njësitë e Ministrisë së Mbrojtjes Ruse janë tërhequr deri në 570 metra në veri të Bakhmutit, duke ekspozuar krahët tanë. I bëj thirrje publikisht komandantëve të lartë të Ministrisë së Mbrojtjes sepse letrat e mia nuk po lexohen. Ju lutemi mos hiqni dorë nga krahët, mos hiqni dorë nga fshati Sakko i Vantsetti.”
(BalkanWeb)
