Shpërthime të mëdha janë dëgjuar në një rajon të Moladvisë.

Presidentja moldave, Maia Sandu ka fajësuar për këtë “fraksionet pro-luftës” brenda territorit dhe paralajmëroi se seria e sulmeve në rajonin e saj të shkëputur të mbështetur nga Rusia ishte një përpjekje për të përshkallëzuar tensionet, raporton Sky news.

Duke folur në një konferencë shtypi, zonja Sandu tha se nuk kishte në plan të fliste me Kremlinin për incidentet e 24 orëve të fundit, të cilat përfshinin një sulm në ndërtesën e ministrisë së brendshme të
Transnistria dhe shkatërrimin e dy shtyllave që transmetonin radio ruse.

Në fillim të këtij muaji, shtabi i përgjithshëm i forcave të armatosura të Ukrainës tha se besonte se trupat ruse po grumbulloheshin në republikën e vetëshpallur të Transnistria dhe po përgatiteshin të kryenin “provokime” përgjatë kufirit.

Por si autoritetet moldave ashtu edhe ato separatiste në Transnistria e mohuan këtë pretendim.
Transnistria është një territor i shkëputur në Moldavi, i cili kufizohet me Ukrainën dhe përfshin rreth 12% të tokës moldave. Statusi i pavarur i saj i vetëshpallur nuk njihet nga Moldavia apo komuniteti ndërkombëtar. Ai është në linjë me Rusinë dhe është shtëpia e një regjimenti prej rreth 1000 ushtarësh rusë.

(BalkanWeb)