Ndryshimet në bankinën zikaltër pritet të kenë ndikim edhe në fushën e lojës, por më parë është për ti dizajnuar merkato e verës. Ende pa nisur mirë aventurën e tij në krye të Inter, Simone Inzaghi mund të humbas dy elemente të rëndësishëm në periudhën Conte, Hakimi dhe Lautaro Martinez. Sulmuesi argjentinas po tundohet gjithnjë e më shumë nga ideja për të vijuar karrierën në Spanjë, aty ku Atletico Madrid ka gati shumë e duhur për të bindur zikaltërit. Diego Simeone ka shtyrë drejtuesit e klubit të paraqesin një ofertë prej 80 milion euro, shifër kjo që mund të zgjidhte përfundimisht problemet e Inter. Me Inzaghi në stol e vetmja gjë që nuk ndryshon është roli i Romelu Lukaku në formacion, belgu mbetet pikë referimi madje po përpiqet të ndihmojë klubin edhe në merakto.
Big Rom ka kontaktuar së fundmi me mikun e tij Memphis Depay për të bindur holandezin të transferohet në Milano. Sulmuesi i Lion është në skadencë të kontratës dhe përfaqëson një okazion të vërtetë për Inter. Me largimin e Hakimi e Martinez dhe me ardhjen e Depay, Inter do të përmirësonte buxhetin madje do të kishte edhe një shumë të konsiderueshme në dispozicion për të investuar sërish në merkaton në hyrje.
(BalkanWeb)