Lundrimi normal rifilloi në Kanalin e Suezit në Egjipt sot pasi një anije ngarkesash u bllokua dhe ndërpreu trafikun për një kohë të shkurtër.
Në një deklaratë, Osama Rabie, kreu i Autoritetit të Kanalit të Suezit, konfirmoi se lundrimi në kanal është kthyer në normalitet dhe anija e bllokuar është “trajtuar me profesionalizmin më të madh”.
Rabie tha se anija kontenier Coral Crystal, e cila mbante një ngarkesë prej 43.000 tonësh, u zhvendos nga rimorkiatorët e autoritetit, kurse pastaj vazhdoi kalimin e saj nëpër kanal.
Këtë mars, lundrimi në kanal u ndal për gjashtë ditë kur anija Ever Given kaloi në brigje dhe bllokoi trafikun në rrugën ujore strategjike.//AA