Vjen nga Italia Veriore historia e maces me emrin Shir Khan, që cila ndodhej me pushime me pronarët e saj.

Macja e bukur e racës ”Bengali” ka pasur një aventurë të pabesueshme javët e fundit.

E mësuar të ndiqte pronarët e saj që banonin në Zvicër, në udhëtimet e tyre nëpër botë, në fund të korrikut ajo u fut, si zakonisht në makinë për t’i shoqëruar gjatë pushimeve në Oulx, në Val di Susa, shkruhet në faqen e internetit today.it.

Më 24 korrik, gjatë një ekskursioni me pronarët, ajo nuk u kthye më. Ndoshta e shpërqendruar ndërsa ndiqte ndonjë pre të vogël, macja u zhduk duke lënë pronarët e saj në dëshpërim.

Në ditët në vijim familja nuk bëri asgjë tjetër përveç se e kërkoi atë në të gjithë luginën, duke eksploruar çdo cep dhe duke kërkuar përreth, por asnjë gjurmë nga Shir Khan.

Pronarët e maces pasi u kthyen në shtëpi, bënë një denoncim humbjeje, njoftuan në rrjetet sociale, gjithashtu duke garantuar një shpërblim parash për ata që do të kishin gjetur mikeshën e tyre besnike me katër këmbë.

Një motoçiklist, i cili nuk ishte në dijeni të historisë së saj, e gjeti macen në kështjellën ”Foens” midis Oulx dhe Bardonecchia të Francës.

Dhe mrekullia ndodhi.

Sébastien Renaud, personi i cili e gjeti publikoi në Facebook foton e maces së gjetur në Francë, në Nevache, rreth 30 kilometra nga Oulx.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb