Muajt e fundit, mbretëresha e popit, Madonna, është bërë temë diskutimi sa i përket pamjes së saj. E njëjta gjë ndodhi edhe mbrëmë kur këngëtarja 64-vjeçare doli në skenë në ndarjen e çmimeve Grammy 2023 dhe i la të gjithë pa fjalë.
Fansat e saj në Twitter vunë re se Madonna nuk njihej fare.
“Nëse nuk do të njoftonin se kjo ishte Madonna, nuk do ta kisha idenë se kush po performonte në Grammy”, ka shkruar një komentues.
“E dua dhe e respektoj si ikonë muzikore, por kjo më theu zemrën. Ajo nuk i ngjan më asaj”, ka komentuar një tjetër.
Shumica i bënin jehonë të njëjtave mendime, madje një prej tyre e ngatërroi atë me Drew Barrymore.
“Nuk mund të jetë ajo”, ka qenë komenti i dikujt për ate që po shihte në ekranin e tij televiziv. As që tingëllon njësoj”, ka shkruar një tjetër.
Disa të tjerë madje ngarkuan video të Madonna-s për të treguar se sa i madh dhe dramatik është ndryshimi në pamjen e saj. Të tjerë pohuan se pamjet nga afër të fytyrës së saj gjatë fjalimit nuk ishin marrë qëllimisht në çmimet Grammy.
“Drita të ulëta dhe pa pamje nga afër. Jam i sigurt ”, ka komentuar një tjetër.
“Nuk lejohen pamjet nga afër,” shkruante një tjetër.
Filmi për jetën e saj u anulua
Shqetësimet vijnë pasi u zbulua se filmi i shumëpritur në ekranin e madh për jetën e mbretëreshës së popit Madonna, i drejtuar nga ajo vetë dhe me aktoren Julia Garner, është anuluar pasi u njoftua turneu botëror i këngëtares. Filmi, i cili ishte në zhvillim që nga viti 2020 nga Universal Pictures, u titullua paraprakisht Little Sparrow.
Sipas një raporti në Variety, Universal u tërhoq pasi Madonna njoftoi turneun e saj. Veçanërisht, biletat për koncertet e saj në Nju Jork, Paris dhe Londër u shitën brenda pak minutash. Megjithatë, burimet i thanë The Hollywood Reporter se anulimi i filmit u vendos në fund të vitit të kaluar.
