Shirat e dendur në Albama kanë shkaktuar përmbytje të shumta në vend, duke regjistruar të paktën 4 viktima.

Në një konferencë shtypi të enjten, kryetari i Hoover, Frank V. Brocato tha:

“Unë kurrë nuk kam parë përmbytje të tilla. Sasia e shiut që ra dje, nuk ka asnjë sistem që mund ta përballojë atë”.

Shteti po përjeton reshje të forta shiu që nga e shtuna, me përmbytjet që arritën kulmin e tyre të mërkurën në mbrëmje.

Qytetet Pelham, Helena dhe Hoover në Qarkun Shelby, në jug të Birminghamit, u goditën më shumë, raportoi Granthshala News.
Në njoftimin e tij në Twitter, Shërbimi Kombëtar i Motit në Birmingham tha të mërkurën se reshjet e mëdha të shiut rezultuan në përmbytje ekstreme, të shpejta – me reshje shiu deri në 30 centimetra.

Departamenti i Zjarrit në Pelham paralajmëroi banorët që të qëndrojnë larg ujërave të përmbytjes, duke përcjellë raporte nga policia dhe zjarrfikësit në terrenin e rrymave të shpejta.

Autoritetet kanë thënë se në mesin e të vdekurve ishte një vajzë 4-vjeçare.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: