Milani i ri nis me një ish të famshëm, Paolo Maldini. Pasi mori disa ditë kohë për të reflektuar, ish kapiteni kuqezi ka pranuar ofertën e bërë nga Ivan Gazidis: Drejtor teknik me kompetenca të plota, praktikisht zëvendëson me kohë të larguarin Leonardo në çdo funksion. Pas lamtumirës së Gattusos dhe Leos i vetmi që mbijeton është Maldini, i gjithë projekti i Milan nis nga duart e tij.
Fillimisht duhet të mendoj për të gjetur krahun e tij të djathtë, drejtorin e ri sportiv, ndërsa më e lehtë duket zgjedhja për trajnerin e ri. Vetëm një emër qarkullon së fundmi në shtëpinë e “djallit”, Marco Giampaolo. Trajneri aktual i Sampdorias vlerësohet shumë nga Maldini dhe nga ambienti kuqezi, një trajner i cili e njeh shumë mirë futbollin italian, është i fokusuar të punoj me lojtarët e rinjë, me pak fjalë profili ideal për të drejtuar një skuadër si Milan, që po kalon një moment tranzitor dhe nuk dëshiron të shpenzoj shumë në merkato.
Pas tre viteve në stolin e Sampdorias, Giampaolo pritet të jap dorëheqjen për të nisur një aventure të re. Pasi të marrë formë stafi i ri drejtues, Milan duhet të kujdeset për merkaton, nga rinovimi i Suso e deri te e ardhmja e Donnarumma e Romagnoli, çdo lëvizje do të behet duke qenë korrekt me rregullat e Fair Play financiar.
(BalkanWeb)