Man.United ka gati një ofertë të çmendur për ti shkëputur Barcelonës brazilianin Neymar. Sipas “Manchester Evening News”, United është i gatshëm të paguaj klauzolën prej 190 milionë euro. Kjo ofertë vjen pikërisht në momentin kur Neymar dhe Barça janë duke diskutuar rreth rinovimit të kontratës. Neymar dëshiron një rritje të pagës dhe tashme me United që troket me një super ofertë e sigurt është se Barça dhe Neymar do ulen sërish në një tavolinë.

Interesimin e United e ka konfirmuar edhe babai i futbollistit: “Propozimi ka ardhur në dyert e Barcelonës por drejtuesit e klubit më thanë se nuk dëshirojnë ta shesin. Më pyeten nëse ishim të interesuar, por nuk ishte momenti. Barcelona nuk e shet pasi ka ende një kontratë për tre vitet e ardhshme”, u shpreh babai i Neymar i cili theksoi ndër të tjera se oferta vinte nga Man.United.
(er.shk/BalkanWeb)