Trajneri Pep Guardiola është shprehur se sezoni i parë në krye të Manchester City ka qenë veçse një “leksion” për të, duke patur parasysh rezultatet e sezoneve të kaluara.
“Ky sesion ka qenë një leksion për mua”, deklaroi tekniku spanjoll në një konferencë shtypi.
Para ndeshjes me Hull të shtunën, “Citizens” ndodhen në vendin e 4-t në Premierlige, me 14 pikë larg kryesuesve të Celsit, ndaj të cilëve humbën të mërkurën në mbrëmje (2-1).
Në skenën evropiane, City u eliminua në 1/8 e finaleve të Ligës së Kampionëve nga Monaco, kur në sezonin e kaluar shkuan në gjysmëfinale nën drejtimin e Manuel Pellegrini.
“Eshtë normale kur je shtatë, tetë apo nëntë vjet si trajner dhe të njohësh një sezon me probleme”, theksoi Guardiola, i cili ka fituar dy herë C1 me Barçën.
(el.sp/BalkanWeb)
