TIRANE– Mbrojtja e ushqimit dhe prodhimeve bujqësore është në fokus në Ministrisë së Bujqësisë e cila ka nënshkruar sot një marrëveshje me zyrën gjermane të Bujqësisë. Duke u ndalur tek marrëveshja e arritur, ministri Edmond Panariti është shprehur se vendi ynë ka nevojë për asistencë për garantimin e sigurisë ushqimore.
Sipas Panaritit, marrëveshja me Zyrën Gjermane të Bujqësisë, është me rëndësi pasi i hap rrugën shkëmbimeve të produkteve të ndryshme mes dy vendeve.
Nisur nga kjo, ministri Panariti është shprehur se vendi ynë do të ketë më shumë kontribute me vlerë shkencore sa i takon sigurisë ushqimore, dhe do të ketë më shumë asistencë nga Gjermania.
(el.sp/BalkanWeb)