Eurodeputetët dhe shtetet anëtare arritën sot një marrëveshje për certifikatën shëndetësore europiane, e destinuar për të lehtësuar udhëtimet në BE këtë verë, pavarësisht pandemisë, duke i hapur rrugën zbatimit të saj para fundit të qershorit, sipas burimeve europiane.

Përfaqësuesit e Parlamentit Europian dhe 27 vendeve të Bashkimit Europian arritën në një kompromis në përfundim të seancës së katërt të negociatave, sipas këtyre burimeve.

Ambasadorët e 27 vendeve të BE-së ranë dakord për të lejuar hyrjen në BE për udhëtarët e vendeve të treta që kanë marrë dozat e nevojshme të vaksinës kundër COVID-19 autorizuar në nivel europian. //ATSH