Lautaro Martinez mbetet një emër fiks në të përditshmet sportive spanjolle. E ardhmja e sulmuesit argjentinas lidhet gjithnjë e më shumë me një kalim të mundshëm tek Barcelona, për këtë është e sigurt “Sport”. Dëshira e Martinez për të luajtur përkrah Leo Messit është shumë e madhe, pavarësisht deklaratave të dashurisë që lëshon shpesh në drejtim të Interit, në lidhje me këtë temë foli së fundmi edhe agjenti i tij:

“Barcelona? Martinez mendon vetëm për Inter”. Ndryshe nga të përditshmet spanjolle, në Angli kanë një tjetër version, në garë për të mund të futet edhe Man.City. Sipas “Sun” ekipi i Pep Guardiolës është i gatshëm të paguaj menjëherë klauzolën e tij të largimit, 111 milion euro, në mënyrë që të djegim konkurrencën e Barçës. Lautaro mbetet mes dy zjarreve, nga njëra anë po sponsorizohet fuqishëm nga Messi, diçka që nuk ndodh shpesh:

“Është spektakolar, fantastik, do të bëhet një futbollist i madh, po e tregon që tani”, kështu u shpreh Messi kur u pyet për herë të fundit për Martinez. Nga ana tjetër, Guardiola e sheh si zëvendësuesin ideal të Kun Aguero. Përballë një interesimi kaq të madh, Interit nuk i mbetet gjë tjetër vetëm të bind sa më shpejt sulmuesin për të rinovuar kontratën aktuale e cila i skadon në 2021, edhe për Inter, Lautaro përfaqëson të tashmen dhe të ardhmen.
(BalkanWeb)