Gazetari Igli Çelmeta, i ftuar në emisionin “Kjo Javë” në News24, ka dhënë informacion të rëndësishëm lidhur me masakrën e Dobraçit, duke theksuar se ngjarja dyshohet të jetë kryer nga vrasës me pagesë. Nga atentati humbën jetën Hamza Lici dhe Arlind Bushati të cilët ishin objektiv i të shtënave si dhe çifti i bashkëshortëve Bashkim dhe Flutura Basha që u përplasën nga makina e viktimave.
Ai shpjegoi se ka një autor që dyshohet se ka qenë një prej ekzekutorëve të ngjarjes.
Çelmeta theksoi se hetimet janë përqendruar në lidhje me një organizatë kriminale të strukturuar, çka ka bërë që çështja t’i kalojë në dorëzim Prokurorisë së Posaçme Anti-Korrupsion (SPAK).
“Dyshohet se ngjarja është kryer nga vrasës me pagesë. Ka një autor që dyshohet se ka qenë një prej ekzekutorëve. Për shkak se kanë zbuluar se kanë të bëjnë me organizatë kriminale të strukturuar ngjarja është kaluar në dorëzim të SPAK”, tha ai.
(BalkanWeb)