Ai është kthyer në stolin e Juventusit, ajo e gjen veten në pikën zero. Pas katër vitesh dashuri, ka përfunduar historia mes Massimiliano Allegrit dhe Ambra Angiolini. Trajneri ka marrë një shtëpi në Torino dhe artistja ka mbetur në lot në Milano, pikërisht në qytetin ku gjetën folenë e tyre të dashurisë. ‘Chi’ ka fotografuar ish vajzën e ‘Non e’ la Rai’ nëpër rrugët e Milanos me një pamje të trishtuar dhe melankolike.
Nuk duket vetëm një krizë kalimtare. Historia mes Max dhe Ambras ka arritur pikërisht në fund. Angiolini ishte përpjekur të rregullonte raportin, por ai është gjithmonë e më larg, e tani ajo është në kërkim të një shtëpie të re. Ish i dashuri i saj Francesco Renga i ka ofruar mbështetjen e tij dhe Ambra tani duhet ta nisë gjithçka si beqare.
Ardhja në stolin e Juventusit dhe largimi i mëtejshëm i trajnerit ka përkeqësuar marrëdhënien mes tyre. Ambra nuk ishte në dasmën e vajzës së Max, Valentina Allegri dhe kur trajneri i Juventusit kthehet në Milano, ai duket se bën gjithçka për të mos e njoftuar aktoren. Me pak fjalë, ajo që filloi si një histori plot dashuri dhe pasion u shua shumë shpejt.
