Policia ka arrestuar tre person të komuniteteve të ndryshme në Prizren, pasi gjatë kontrollit iu janë gjetur sasi të vogla marijuanë, por edhe lloj tjetër i substancave narkotike të quajtur Speed.

Sipas Policisë, rasti i parë ka qenë në rrugën ‘Ukë Bytyqi’, ku është arrestuar i dyshuari nga komuniteti rom, pasi që gjatë kontrollit në trup i është gjetur dhe sekuestruar një sasi substance e dyshuar narkotike e llojit marihuanë në peshë 1.97 gram dhe 0.53 gram e llojit Speed, raporton Kosova Press.

I njëjti është intervistuar dhe me vendim të prokurorit është liruar në procedurë të rregullt. Rasti është duke u hetuar. Po në të njëjtën rrugë është arrestuar edhe një person tjetër, shqiptar, pasi që gjatë kontrollit në trup i është gjetur dhe sekuestruar një sasi substancë e dyshuar narkotike  e llojit  marihuanë në peshë 2.1 gram.

Kurse rasti i tretë ka qenë në Qendrën Sportive në Prizren, ku është arrestuar i dyshuari i komunitetit boshnjak, pasi që gjatë kontrollit në trup i është gjetur dhe sekuestruar një sasi substancë e dyshuar narkotike  e llojit  marijuanë në peshë 7.38 gram. Grupi hetimor ka nisur punën për zbardhjen e plotë të rasteve.