Frika për Kylian Mbappe ka kaluar, por debutimi i tij në Botërorin e Klubeve duket ende larg. Sulmuesi francez nuk ishte në dispozicion të Xabi Alonsos në takimin e parë kundër Al Hilal pasi nuk ishte në gjendje të mirë shëndetësore. Për të bërë publike gjendjen e tij ka menduar klubi i Real Madrid, që ka zbuluar se Mbappe vuan nga një shqetësim në stomak, madje francez u shtrua në spital për disa kontrolle më të detajuara dhe për të marrë mjekimin përkatës.

Pas disa orësh, Mbappe la spitalin për t’iu bashkuar ekipit në grumbullim, por Këpuca e Artë Evropiane nuk do të punojë me pjesën tjetër të ekipit. Mbappe nuk ishte i pranishëm kundër Al Hial, por sipas të gjithë gjasave duket e pamundur që Alonso ta ketë në dispozicion për sfidën e s dielës kundër Pachuca-s.

Jo vetëm kaq, por sipas mediave spanjolle, Mbappe rrezikon të humbas thuajse të gjithë turneun, pasi nuk është stërvitur thuajse fare, ndërsa dhe ka një gjendje fizike të dobët.

(BalkanWeb)