Numri i të infektuarve me COVID-19 vazhdon të rritet në Kosovë. Ndërsa më 1 janar në vendin tonë ishin 492 raste aktive, tashmë duke u bazuar në të dhënat e 22 janarit janë 14.775 raste aktive më shumë, konkretisht 15.247

Sipas raportit të djeshëm të Institutit Kombëtar të Shëndetësisë Publike të Kosovës, nga 11.883 testime, 3.206 qytetarë kanë rezultuar pozitiv me virusin COVID-19.

“Në 24 orët e fundit janë dhënë 4.620 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.742.039 doza të vaksinës. Deri më sot 800.754 qytetarë janë vaksinuar me dozën e dytë. Deri më sot janë dhënë 44.143 doza përforcuese dhe 7.866 doza të treta të vaksinës kundër COVID-19. Gjatë 24 orëve të fundit, nuk është shënuar asnjë rast i vdekjes. Sot janë shëruar 357 qytetarë, derisa numri i përgjithshëm i të shëruarve është 160.247. Në total numri i rasteve aktive është 15.247”, thuhet në njoftim.