Shembja e pallatit 12-katësh në Miami të SHBA-ve, ka tronditur të gjithë botën.
Nga raportimet e deritanishme, 4 viktima janë shënuar, ndërsa të zhdukur rezultojnë mbi 159 persona. Autoritetet thonë, se në mesin e të humburve, janë 31 persona me origjinë nga Amerika Latine. Më konkretisht, 9 nga Argjentina, 6 nga Paraguai, 6 nga Kolumbia, 6 nga Venezuela, 3 nga Uruguai dhe 1 nga Kili.
Ekipet e kërkim-shpëtimit janë ende duke operuar në terren dhe po përpiqen të gjejnë sa më shumë të mbijetuar. Ato po përdorin një sërë pajisjesh, duke nisur që nga aparaturat e regjistrimit të zërit, qentë shpëtues, por edhe me anë të hapjes së tuneleve të nëndheshme, me qëllimin e shpëtimit të sa më shumë jetëve.
Si ndodhi ngjarja:
Shembja është regjistruar në orën 1:30 pas mesnate, ndërsa shkaqet ende nuk janë bërë të ditura. Aktualisht, dy persona janë nxjerrë të gjallë nga gërmadhat, 35 të tjerë janë evakuuar, ndërsa 1 person, për fat të keq ka ndërruar jetë.
Ekipet e kërkim-shpëtimit janë duke kërkuar për 51 personat që janë shpallur të zhdukur. Ndërtesa është ndërtuar në vitin 1980, kurse së fundmi i ishte nënshtruar një rikonstruksioni të tavanit të katit të fundit. Nuk dihet ende nëse ky është shkaku i shembjes dhe shkaktimit të kësaj tragjedie, shkruan CNN.
Çfarë e shkaktoi tragjedinë:
Pallati 12-katësh që u shemb në Miami të SHBA kishte problem prej dekadash. Ekspertët konfirmojnë se ndërtesa ishte 40-vjeçare, por prej vitit 1990 ishte zhytur dhe ishte e paqëndrueshme.
Po ashtu ajo ishte në proces ricertifikimi dhe po i bëheshin riparime, kryesisht në çati, por besohet se shembja nuk erdhi nga punimet lart. Deri më tani, ekspertët janë në dilemë se çfarë e shkaktoi me të vërtetë shembjen që më pas, solli një tragjedi të madhe për shumë familje.
Momenti i shembjes, nga një kënd i largët dhe brenda një prej apartameteve të pallatit 12-katësh:
Dy video të publikuara nga mediat, kanë fiksuar momentin e shembjes së pallatit 12-katësh në Miami. E para, shfaq ndërtesën nga një kënd i largët, dhe brenda 9 sekondave, ajo shembet e gjitha. Ndërsa një video e dytë, shfaq ambientet e brendshme të apartamentit. Aty shihet se si tronditet ndërtesa dhe nisin të bien suvaja e shtëpisë, por edhe orenditë e tjera shtëpiake me shpejtësi në dysheme.
JUST IN: Video I’ve obtained of the building collapse in Surfside, Florida. pic.twitter.com/BGbRC7iSI9
— Andy Slater (@AndySlater) June 24, 2021
Fatmirësisht, në apartamentin në fjalë nuk ka pasur persona brenda. Pronarja e apartamentit, e quajtur Samanta, ka thënë për mediat amerikane se shtëpinë në Miami e përdorte si apartament pushimi dhe prej aty, ishte larguar një natë para se të ndodhte ngjarja e kobshme.
@AgendaFreeTV I am a resident of one of the condos on the side of the collapse. This is a video from my camera footage inside from the start of the collapse until the lose of connection (I was away from the building today). Towards the end, you hear the structure failing pic.twitter.com/UzBJQogUxp
— rosie✨ (@_rosiesantana) June 24, 2021
(BalkanWeb)
