Situata e koronavirusit në Rusi ende mbetet shqetësuese.
Presidenti, Vladimir Putin është shprehur se lufta kundër kësaj sëmundje duhet të vazhdojë deri në parandalimin e përhapjes së virusit.
“Në vendin tonë po krijohet një situatë shumë e vështirë. Ka më shumë se 40,000 njerëz të sëmurë në ditë. Kjo nuk ka ndodhur më herët”, ka thënë Putin.
Gjithashtu presidenti rus udhëzoi Ministrinë e Mbrojtjes që të ofrojë mbështetje për shërbimet mjekësore të ngarkuara në menaxhimin e pandemisë dhe nëse do të jetë e nevojshme të kontribuojë në ndërtimin e objekteve të shpejta mjekësore.
(BalkanWeb)